СОЁЛЫН ЭЛЧ С.ХАЛИУНД СОЁЛЫН ЭЛЧИЙН ГЭРЧИЛГЭЭГ ГАРДУУЛАВ

Элчин сайд А.Төмөр Тайландын Хаант Улс дахь Монгол Улсын Соёлын элчээр томилогдсон С.Халиунд Соёлын элчийн гэрчилгээг нь 8 дугаар сарын 16-ны өдөр гардуулж, хамтын ажиллагааны гэрээ байгуулав. Тайландын нэр хүндтэй “MQDC” компанид дэд ерөнхийлөгчийн албыг хашдаг С.Халиун нь Монгол Улсыг сурталчилах ажлыг гадаадад зохион байгуулж байсан туршлагатай бөгөөд цаашид спорт, урлагын салбараар дамжуулж өөрийн улсын соёлоо Тайландад сурталчилах, соёлын салбар дахь хоёр улсын хамтын ажиллагааг хөгжүүлэхэд хувь нэмрээ оруулна гэдгээ Соёлын элч С.Халиун онцолсон юм.