АЗИД ХУВИЙН ТИЙРЭЛТЭТ ОНГОЦНЫ ЭРЭЛТ ОГЦОМ ӨСЧ БАЙНА

Ойрхи Дорнодод үүссэн дайны улмаас иргэний агаарын тээвэрт саатал ихэсч байгаатай холбогдуулан Тайландын Хаант Улс болон Зүүн Өмнөд Азид хувийн тийрэлтэт онгоцны хэрэглээ огцом нэмэгдэж байгаа бөгөөд онгоц үйлдвэрлэгчид бизнесээ олон улсад өргөжүүлэхийг эрмэлзэж буй чинээлэг хэрэглэгчдэд зориулан алсын зайн нислэгийн хамгийн сүүлийн үеийн загваруудыг зах зээлд танилцуулж байгаа аж. MJets болон Dassault Aviation зэрэг салбарын томоохон тоглогчид Тайланд, Энэтхэг болон Зүүн Өмнөд Азийн өсөн нэмэгдэж буй зах зээлд нэвтрэхийн тулд бүс нутаг дахь үйл ажиллагаагаа өргөжүүлж байна. Цар тахлын дараахь сэргэлт болон алсын зайн нислэгийн онгоцны эрэлт нь Азийн зах зээлд жил бүр шинээр нэвтэрч буй тийрэлтэт онгоцны тоог мэдэгдэхүйц нэмэгдүүлсэн. Сингапур болон Тайландын Хаант Улс хөрш улсдаа үйлчлэх стратегийн төв болохоор зорьж байгаа бол Энэтхэг нислэгийн тоогоороо жил ирэх тусам хамгийн өндөр өсөлттэй зах зээл болж тодорлоо. Дэд бүтцийн дутагдал болон дэлхийн мөргөлдөөнөөс үүдэлтэй түлшний үнийн өсөлт зэрэг бэрхшээл байгаа хэдий ч энэ салбар борлуулалтын өндөр захиалгатайгаар тогтвортой хэвээр байна. Үйлдвэрлэгчид ихэвчлэн олон хүнтэй багаар аялдаг Азийн үйлчлүүлэгчдийн онцлог хэрэгцээнд нийцүүлэн илүү том бүхээгтэй, алсын зайн нислэгийн дараагийн үеийн нисэх онгоцонд анхаарлаа хандуулж байгаа ажээ.

Эх сурвалж: Bangkok Post