КАМБОЖ-ТАЙЛАНДЫН ХИЛИЙН ХЯНАЛТЫН ХОРООНЫ УУЛЗАЛТ ПОЙПЕТ ХИЛИЙН БООМТОД ЭХЛЭВ
Камбожийн Хаант Улс, Тайландын Хаант Улсын Бүс нутгийн хилийн хяналтын хорооны гурван өдрийн уулзалт энэ 1 дүгээр сарын 27-ны өдөр Пойпет олон улсын хилийн шалган нэвтрүүлэх боомтод албан ёсоор эхэлсэн нь хоёр талын хамтарсан хилийн дагуух зохицуулалтыг бэхжүүлэх, тогтвортой байдлыг хадгалах хүчин чармайлтыг сэргээж буйг илтгэсэн үйл явдал болов. Камбожийн Хаант Улсын Үндэсний Батлан хамгаалах яамны хэвлэлийн төлөөлөгч, дэслэгч генерал Мали Сочеата-гийн мэдээлснээр, нээлтийн хуралдааныг Камбожийн 5 дугаар цэргийн тойрог болон Тайландын 1 дүгээр армийн бүс хоорондын Бүс нутгийн хилийн хяналтын хорооны Нарийн бичгийн дарга нарын газраас зохион байгуулжээ. Уулзалтын үеэр хоёр талын төлөөлөгчид хэлэлцэх асуудлын үндсэн чиглэлийг хэлэлцэж, 1 дүгээр сарын 29-ний өдөр болох Камбож, Тайландын Бүс нутгийн хилийн хяналтын хорооны Тусгай хуралдааны бэлтгэл ажлыг хангах хүрээнд холбогдох баримт бичгийг солилцжээ. Энэхүү уулзалтын зорилго нь хамтарсан мэдэгдлийн бүрэн бөгөөд үр дүнтэй хэрэгжилтийг хангах, харилцан итгэлцлийг бэхжүүлэх, хил орчмын энх тайван, тогтвортой байдлыг хадгалах, улмаар хэвийн нөхцөл байдалд эргэн шилжихэд дэмжлэг үзүүлэхэд оршиж байгаа аж.
Эх сурвалж: Asia News Network