ТАЙЛАНД-КАМБОЖИЙН ХИЛИЙН МӨРГӨЛДӨӨН ХУРЦДАЖ БАЙГАА ЭНЭ ҮЕД АСЕАН ХӨНДЛӨНГӨӨС ОРОЛЦОЖ ЭХЛЭВ

АСЕАН-ны Гадаад хэргийн сайд нар энэ 12 дугаар сарын 23-ний өдөр хатуу үгтэй хамтарсан мэдэгдэл гаргаж, Тайландын Хаант Улс, Камбожийн Хаант Улсын хилийн даамжирч буй хямралыг шийдвэрлэх зорилгоор зохион байгуулсан тусгай дээд хэмжээний уулзалтын дараа "бүх хэлбэрийн дайсагнасан ажиллагаагаа нэн даруй зогсоохыг" шаарджээ. Бүс нутгийн тус холбооны зүгээс хоёр талыг “дээд зэргээр хүлээцтэй байж”, хамтын хилийн дагуу энх тайвныг сэргээхийн тулд хоёр талын хэлэлцээнд эргэн орохыг уриалжээ. Энэхүү уулзалтыг энэ сарын эхээр Малайз, Камбож, Тайландын Ерөнхий сайд нарын гаргасан шийдвэрийн дагуу зарлан хуралдуулжээ. Дээд хэмжээний уулзалтын үеэр олон улсын оролцоог хүлээн зөвшөөрсөн нь онцлох үйл явдал байсан аж. АСЕАН-ны сайд нарын зүгээс Малайзын Ерөнхий сайд Анвар Ибрахим болон АНУ-ын Ерөнхийлөгч Дональд Ж. Трамп нарын “идэвхтэй үүрэг”-т талархал илэрхийлж, тэдний оролцоо нь БНХАУ-ын дэмжлэгтэй энхийн замаар шийдэл олоход шийдвэрлэх үүрэг гүйцэтгэснийг онцолжээ.

Эх сурвалж: The Nation Thailand