ХИЛИЙН МӨРГӨЛДӨӨН ТАЙЛАНДЫН УЛС ТӨРИЙН НӨХЦӨЛ БАЙДЛЫГ ӨӨРЧИЛЖ, ЕРӨНХИЙ САЙД ЦЭРГИЙН БҮРЭН ЭРХ МЭДЛИЙГ ЭРЭЛХИЙЛЖ БУЙ

Тайланд-Камбожийн хилийн дагуух мөргөлдөөн дахин идэвхэжсэн нь Тайландын Хаант Улсын дотоод улс төрийн нөхцөл байдлыг өөрчлөхөд хүргэж, Ерөнхий сайд Анүтин Чанвиракүл болон түүний Засгийн газрын бүрэн эрхийн хугацаанд ихээхэн дарамт учруулж байгаа аж. Энэхүү зөрчил мөргөлдөөн нь Засгийн газрыг Парламентыг тараах хугацааг хойшлуулахад хүргэж болзошгүй бөгөөд ингэснээр дайны байдалтай үед нөхцөл байдлыг удирдахад шаардлагатай гүйцэтгэх эрх мэдлийг бүрэн хадгалж үлдэх боломжтой болох юм. Үүний зэрэгцээ саяхан болсон үерийн гамшгийн улмаас унасан засгийн газрын нэр хүнд, алдсан улс төрийн дэмжлэгээ сэргээхийн тулд үндсэрхэг үзлийг ашиглахад хүргэж болзошгүй байгаа ажээ. Тайланд-Камбожийн мөргөлдөөний "хоёр дахь үе шат" нь хилийн дагуу хүнд зэвсгийн бүрэн хэмжээний харилцан гал нээхэд хүргэж, нөхцөл байдал хурцдуулсан. Энэхүү цэргийн ажиллагааны улмаас Убон Ратчатани, Сисакет, Сурин, Трат зэрэг долоон мужийн энгийн иргэдийг нэн даруй нүүлгэн шилжүүлэх шаардлагатай болсон.

Эх сурвалж: The Nation Thailand