“SMART PORT”-ЫН ШИНЭЧЛЭЛИЙГ ЭХЛҮҮЛЭВ

Дэлхийн худалдааны 90 гаруй хувь нь далайгаар, үлдсэн хувь нь төмөр зам, авто зам, агаарын замаар хийгдэг. Тиймээс боомт нь эдийн засгийн өсөлтийг хангахад чухал үүрэг гүйцэтгэдэг бөгөөд технологийн эрэлт хэрэгцээг хангахын тулд тэдгээрийг шинэчлэх нь маш чухал юм. Тайландын боомтын захиргаа (Port Authority of Thailand) нь Бангкок хотын Клонг Тови дахь Баруун боомтыг “Smart Port” болгон хөгжүүлэх ажлыг эхлүүлэв. Үүгээр үйлчилгээний үр ашгийг дээшлүүлэх, эрчим хүчний хэрэглээг бууруулах, байгаль орчны тогтвортой байдлыг сайжруулах зорилгоор дэвшилтэт технологи, хагас автоматжуулсан системийг нэвтрүүлж байгаа бөгөөд уг боомтыг дэлхийн жишигт хүргэх зорилготой аж. Боомтын захиргаа нь хагас автоматжуулсан “Smart Port & Green Port”-ийг хөгжүүлэх, тус улсын боомтыг үндэсний эдийн засгийн гол хөдөлгөгч хүч болгохын тулд эдийн засгийн өсөлтийг байгаль орчны хяналттай уялдуулж, орон нутгийн иргэдийн амьдралын чанар, тогтвортой байдлыг хамгаалах зорилготой" гэж Боомтын захиргааны орлогч дарга Тамсин Срибанплени мэдэгдэв.

Эх сурвалж: The Nation Thailand