ТАКСИН ШИНАВАТЫГ НЭГ ЖИЛИЙН ХОРИХ ЯЛ ЭДЛЭХ ЗАХИРАМЖ ДЭЭД ШҮҮХЭЭС ГАРГАВ

Энэ Мягмар гарагт буюу 2025 оны 09 дүгээр сарын 09-ний өдөр Дээд шүүхийн Улс төрийн албан тушаал хашиж буй хүмүүст эрүүгийн хэрэг үүсгэн шалгах хэлтсээс Ерөнхий сайд асан Таксин Шинаватад холбогдох "14 дүгээр давхрын Цагдаагийн нэгдсэн эмнэлэг" гэх хэргийг хянан шийдвэрлэжээ. Энэхүү хэрэг нь түүний сүүлд авсан ял шийтгэлийг хэрэгжүүлэх болон цагдан хоригдож байх хугацаандаа эмнэлгийн тусламж авах эрхтэй холбоотой байв. Шүүхээс Таксин болон Бангкок хотын Цагдан хорих төвийн даргыг шүүх хуралд биечлэн оролцохыг үүрэг болгожээ.

Таксин өмнө нь авлигын гурван хэрэгт холбогдон найман жилийн хорих ял авсан байсан ч хожим нь Цог Жавхлант Хааны өршөөлөөр энэ хугацааг нэг жил болгон бууруулсан ажээ. 2024 оны 02 дугаар сарын 18-ны өдөр тэрбээр Шүүхийн шийдвэр гүйцэтгэх газрын дүрмийн дагуу “тусгай тэнсэн харгалзах” шаардлага хангасан үндэслэлээр Цагдаагийн нэгдсэн эмнэлгээс гарсан юм.

Эх сурвалж: The Nation Thailand