МЬЯНМАРТ БОЛСОН ГАЗАР ХӨДЛӨЛТ 264 УДААГИЙН ЧИЧИРГЭЭ ҮҮСГЭЖ, ТАЙЛАНДЫН ХААНТ УЛСАД НӨЛӨӨЛЖЭЭ

Мьянмарт болсон газар хөдлөлтийн дараа энэ Лхагва гарагийн байдлаар 264 удаа газар хөдлөлтийн дараах чичиргээ бүртгэгдсэн гэдгийг Тайландын Хаант Улсын Цаг уурын газрын Газар хөдлөлтийн ажиглалтын хэлтсээс мэдээлжээ. Энэхүү мэдээллийг өнгөрсөн Баасан гарагт Мандалай хотноо төвтэй 8.2 магнитудын хүчтэй газар хөдлөлтийн дараа гаргасан бөгөөд газар хөдлөлт Мьянмар болон Тайландын Хаант Улсад нөлөөлсөн байна. Тус хэлтсийн мэдээлснээр энэ Мягмар гарагаас Лхагва гарагийн хооронд Нан, Чианг Май, Прэ, Мэ Хонг Сон, Лампанг мужад 1.0–2.9 магнитудын хүчтэй газар хөдлөлт бүртгэгдсэн байна. Түүнчлэн Мьянмар, Лаос болон БНХАУ-д ойролцоо газар хөдлөлт болсон бөгөөд хамгийн сүүлд Индонезийн Суматра арлын хойд хэсэгт газар хөдлөлт болсон тухай мэдээлжээ.

Энэ Мягмар гарагаас Лхагва гарагийн хооронд Тайландын Хаант Улсад нийт 9 удаагийн 1.0–2.9 магнитудын газар хөдлөлт болсон бол тус улстай ойролцоох бүс нутагт нийт 39 газар хөдлөлт бүртгэгдсэн байна. Үүнээс 23 нь 1.0–2.9, 13 нь 3.0–3.9, нэг нь 4.0–4.9, хоёр нь 5.0–5.9 магнитудын хүчтэй байжээ. Бангкок хотын захиргааны Эраван төвийн мэдээлснээр энэ Мягмар гарагийн 16:00 цагийн байдлаар нийслэл хотноо 34 хүн гэмтэж, 22 хүн амь насаа алдсан байна. Үүнээс Улсын аудитын газрын барилга нурснаас 19 хүн гэмтэж, 14 хүн амиа алдсан гэжээ.

Эх сурвалж: The Nation Thailand