ПЕРЛИС ЭХ ГАЗРЫН БООМТ НЬ МАЛАЙЗ-ТАЙЛАНДЫГ ХОЛБОХ ХУДАЛДААНЫ ГҮҮР БОЛНО

"Перлис эх газрын боомт нь Перлис, Кедах, Пенанг, Перак дахь аж үйлдвэрт илүү нэгдсэн экосистемийг бий болгоно. Мөн тус улсын томоохон боомт, тэр дундаа Кланганд Пенанг зэрэг боомт руу төмөр замаар нэвтрэх боломжтой болно" гэж Малайзын Тээврийн сайд Энтони Лок өчигдөр буюу энэ 3 дугаар сарын 25-ны өдөр Чупингийн хөндийн аж үйлдвэрийн бүсийн нэгдсэн бизнесийн төвд болсон хэвлэлийн бага хурлын үеэр мэдэгджээ. Тэрбээр уг төслийг холбооны болон мужийн засгийн газар болон хувийн хэвшлийн амжилттай хамтын ажиллагааны нотолгоо хэмээн онцолж, уг төсөл нь бүс нутаг дахь аж үйлдвэр, логистикийн үйл ажиллагаанд түлхэц үзүүлэх болно гэдгийг онцлон тэмдэглэв. Тээврийн гол бараа бүтээгдэхүүн нь мод, латекс, зүсмэл мод, резин юм.

Тус боомтын эхний үе шатыг  энэ оны гуравдугаар улиралд дуусгахаар төлөвлөж байгаа бөгөөд Паданг Бесар чингэлгийн терминал (TKPB)-ийн хүчин чадал болох 150,000 хорин фут эквивалент нэгж (TEU)-тэй харьцуулахад 300,000 TEU хүчин чадалтай байх аж. Тэрбээр хэлэхдээ, 2027 он гэхэд Малайз, Тайландын хоёр талын худалдааг 30 тэрбум ам. долларт (132 тэрбум RM) хүргэх зорилтод тус боомтоос санал болгож буй нэмүү өртөг шингэсэн үйлчилгээ, байгууламж, тухайлбал агуулах, хадгалах байр, түүнчлэн бараа түгээх төвийн тусламжтайгаар хүрэх боломжтой гэжээ. 202 га талбайд баригдсан тус боомт нь дотоодын болон хил дамнасан ачаа тээшийг үр ашигтай тээвэрлэх хамгийн сүүлийн үеийн тоног төхөөрөмжөөр тоноглогдсон логистикийн гол төв болох аж.

Эх сурвалж: The Nation Thailand