ТАЙЛАНДЫН 44,000 ГАРУЙ ЖДҮ-ИЙН ЦАХИМ УР ЧАДВАРЫГ НЭМЭГДҮҮЛЭВ

Азийн сангийн “Go Digital ASEAN” санаачилгын хоёр дахь үе шат амжилттай хэрэгжиж, Зүүн Өмнөд Азийн 215,892 ЖДҮ-ийн бизнесийг хөгжүүлэхэд шаардлагатай цахим ур чадвараар хангасан байна. Энэ хүрээнд Тайландын 44,000 гаруй хувь хүн, ЖДҮ эрхлэгчид сургалтад үнэ төлбөргүй хамрагдсан бөгөөд цахим ур чадвараа нэмэгдүүлсний үр дүнд тэдгээрийн 69% орлого өсөлттэй байгааг мэдэгджээ. АСЕАН-ны Бичил, жижиг, дунд аж ахуйн нэгжийн зохицуулах хорооноос баталсан “Go Digital ASEAN”-ийг АНУ-ын “Google” компанийн санхүүжилтээр Азийн сан хэрэгжүүлсэн.

Тайландын цахим эдийн засаг хурдацтай өргөжиж, 2020 онд 21 тэрбум ам.доллараар үнэлэгдсэн бөгөөд 2025 он гэхэд 53 тэрбум ам.долларт хүрэх төлөвтэй байна. Дэлхийн банкны мэдээллийн дагуу интернетийн хүртээмж 90%-д хүрсэн тус улс цахим экосистемийг хөгжүүлж, худалдаа, хоол хүнс, аж үйлдвэрийн салбарын ЖДҮ-ийн амжилтыг сайтар дэмжиж байгаа ажээ. "Go Digital ASEAN” нь орон нутгийн, ЖДҮ эрхлэгчдэд зориулсан цахим сургалтыг зохион байгуулж, тэдгээрийг өнөөгийн эдийн засаг, нөхцөл байдалд хөгжихөд шаардлагатай цахим хэрэгслээр хангадаг байна.

Эх сурвалж: The Nation Thailand