ДЭЛХИЙН ХҮНСНИЙ ХӨТӨЛБӨР ХҮНСНИЙ ТУСЛАМЖАА ЗОГСООХООР БОЛОВ
Мьянмарын 1 сая гаруй хүний амь насыг аврах хүнсний тусламжийг санхүүжилтийн улмаас 4 дүгээр сараас эхлэн зогсооно гэж Дэлхийн хүнсний хөтөлбөр мэдэгдэв. Дахин санхүүжилт авч чадахгүй тохиолдолд зөвхөн тав хүртэлх насны хүүхэд, жирэмсэн болон хөхүүл эх, хөгжлийн бэрхшээлтэй иргэд, хамгийн эмзэг бүлэг болох 35,000 орчим хүнийг тусламжид хамруулах боломжтой гэж Дэлхийн хүнсний хөтөлбөрийн мэдэгдэлд дурджээ.
“Энэ жил мьянмарын ард түмний амь насыг аврах хүнсний тусламжийг үргэлжлүүлэхийн тулд тус улсад 60 сая ам.доллар яаралтай хэрэгтэй байгаа тул бүх түнш, олон улсын хамтын нийгэмлэгээс нэмэлт санхүүжилт олгохыг уриалж байна” гэж Мьянмар дахь Дэлхийн хүнсний хөтөлбөрийн суурин төлөөлөгч Майкл Данфорд мэдэгдэв.
Эх сурвалж: The Nation Thailand