КО САМУЙН ХӨЛӨГ ОНГОЦНЫ ЗОГСООЛЫГ 2032 ОНД ҮЙЛ АЖИЛЛАГААНД ОРУУЛНА
Тайландын Хаант Улсын Засгийн газрын Хэвлэлийн төлөөлөгч Жираюу Хоунгсуб-ын мэдэгдсэнээр тус улсын Засгийн газраас өмнөд хэсгийн Сурат Тани мужийн Ко Самуй аралд Тайландын булангийн аялал жуулчлалыг хөгжүүлэх, сингапур болон бусад улсын далайн холболтыг нэмэгдүүлэх зорилго бүхий томоохон хөлөг онгоцны зогсоолыг 2032 онд үйл ажиллагаанд оруулахаар төлөвлөж байна. Тэрбээр хөлөг онгоцны зогсоолын бүтээн байгуулалтын ажлыг 2029 онд эхлүүлэх бөгөөд энэ хүрээнд Тайландын булангийн аялал жуулчлалын дэд бүтцийг хөгжүүлэх хяналт, шалгалтыг эхлүүлж, тулгарч буй сорилтыг тодорхойлох, тухайлбал бохир ус цэвэршүүлэх байгууламж болон цэвэр усны нөөцийг бий болгох шаардлагатайг онцлон тэмдэглэв.
Эх сурвалж: The Nation Thailand