ТАЙЛАНДЫН ХААНТ УЛС ХӨРӨНГИЙН ЗАХ ЗЭЭЛИЙГ ДЭМЖИХ ШИНЭ ХӨРӨНГӨ ОРУУЛАЛТЫН САН БАЙГУУЛАВ

Засгийн газрын хуралдаанаар "Thai ESG Extra" сан байгуулахыг дэмжив. Энэхүү сан нь тогтвортой болон өндөр өсөлттэй хувьцаанд хийх хөрөнгө оруулалтыг дэмжих зорилготой бөгөөд татварын хөнгөлөлт зэрэг томоохон урамшууллыг үзүүлэх юм. Уг санаачилга нь дэлхийн эдийн засгийн тодорхойгүй байдлын үед Тайландын дотоодын хөрөнгийн зах зээлийг дэмжих зорилготой ажээ. Хөрөнгө оруулагчид одоогоор 180 тэрбум баатын үнэлгээтэй урт хугацааны хөрөнгө оруулалтын сан дахь хөрөнгөө “Thai ESG Extra” санд шилжүүлснээр 500,000 баат хүртэлх татварын хөнгөлөлт эдлэх боломжтой байх юм. Үүнээс 300,000 баатыг 2025 оны татварын жилд хасуулж болох бөгөөд үлдсэн 200,000 баатыг жил бүр 50,000 баатаар үе шаттайгаар хасах боломжтой болно.

Энэ Мягмар гарагт болсон хэвлэлийн бага хурлын үеэр Сангийн сайд Пичай Чунхавижира уг санг байгуулах болсон шалтгааныг дэлхийн зах зээлийн тогтворгүй байдал, ялангуяа АНУ-ын Ерөнхийлөгч Дональд Трампын худалдааны бодлоготой холбон тайлбарлав. Тайландын Хаант Улсын Засгийн газар уг сан нь зах зээлийн тодорхойгүй байдлын үед эдийн засгийн гол салбарт урт хугацааны хөрөнгө оруулалтыг дэмжихээс гадна, хөрөнгө оруулагчдад татварын таатай хөнгөлөлт үзүүлнэ гэж найдаж байгаа ажээ.

Эх сурвалж: The Nation Thailand