МЭНИНГОКОККТ ХАЛДВАРЫН ТАРХАЛТ ГАРСАНТАЙ ХОЛБОГДУУЛАН САМУТ ПРАКАН МУЖИЙН НИЙТ СУРГУУЛИЙН ӨМНӨХ БОЛОВСРОЛ БОЛОН БАГА, ДУНД, АХЛАХ СУРГУУЛИЙГ ХААВ

Тайландын Хаант Улсын Самут Пракан мужийн Эрүүл мэндийн газраас тус мужид мэнингококкт халдварын тархалт гарсантай холбогдуулан мужийн нийт сургуулийн өмнөх болон бага, дунд, ахлах сургуулийг ирэх 03 дугаар сарын 03-ны өдөр хүртэл хааж, ариутгал, халдваргүйжүүлэлт хийхээр болсныг мэдэгдэв. Стрептококкийн А төрлийн нянгаас үүдэлтэй мэнингококкт халдвараар ихэвчлэн 5-15 настай хүүхдүүд өвчилдөг бөгөөд халдвар авснаас долоо хоногийн дараа хоолой өвдөх, халуурах, толгой өвдөх, тууралт гарах шинж тэмдэг илэрдэг байна. Тайландын эрүүл мэндийн салбарт нэр хүндтэй эмч Пакпүүм Деччасдин өөрийн олон нийтийн цахим хуудаст эцэг, эхчүүдийг өөрсдийн хүүхдэд мэнингококкт халдварын шинж тэмдэг илэрсэн эсэхийг яаралтай нягталж, хэрэв өвчилсөн бол шуурхай арга хэмжээ авах, улмаар халдварын тархалтыг зогсоох хүрээнд хүүхдийг 24 цаг тусгаарлахыг зөвлөв. Тэрбээр амьсгалын замаар халдварладаг мэнингококкт халдвараас урьдчилан сэргийлэх хүрээнд хүүхдэд амны хаалт тогтмол зүүлгэх, бусад хүүхэдтэй тоглоом, эд зүйлээ солилцохгүй байхыг сануулав.

Эх сурвалж: The Nation Thailand