ТАЙЛАНДЫН ХААНТ УЛС, БҮГД НАЙРАМДАХ ХЯТАД АРД УЛС, МЬЯНМАРЫН ХОЛБООНЫ БҮГД НАЙРАМДАХ УЛС ҮНДЭСТЭН ДАМНАСАН ГЭМТ ХЭРЭГТЭЙ ТЭМЦЭХЭД ХАМТАРНА

Тайландын Хаант Улсын Гадаад хэргийн сайд Марид Санъяампон өчигдөр буюу 2025 оны 02 дугаар сарын 24-ний өдөр үндэстэн дамнасан гэмт хэрэгтэй тэмцэх, цахим залилан болон хууль бус цахим дуудлагын төвтэй тэмцэх урт хугацааны цогц стратеги төлөвлөгөө боловсруулах хүрээнд хятад, мьянмарын талтай гурван талт уулзалт зохион байгуулахаар төлөвлөж байгааг онцлов. Тэрбээр гурван талт уулзалтыг ойрын хугацаанд тайландад зохион байгуулах бөгөөд энэхүү гурван талт уулзалт нь үндэстэн дамнасан гэмт хэрэгтэй тэмцэх гурван улсын хамтын ажиллагааг бэхжүүлэх чухал ач холбогдолтой гэж мэдэгдэв. Тус улсын Засгийн газар үндэстэн дамнасан гэмт хэрэг, цахим залилан, хууль бус зэвсэг болон мансууруулах, сэтгэцэд нөлөөт бодистой тэмцэхэд ач холбогдол өгч, энэ төрлийн гэмт хэрэгтэй тэмцэх олон улсын хамтын ажиллагаагаа идэвхжүүлж байна.

Эх сурвалж: Bangkok Post