АНВАР, ТАКСИН НАР БРУНЕЙН СУЛТАНТАЙ МЬЯНМАР, ӨМНӨД ХЯТАДЫН ТЭНГИСИЙН АСУУДЛААР ЯРИЛЦАВ

Малайз Улсын Ерөнхий сайд Анвар өөрийн Фэйсбүүк хуудсандаа Тайландын Хаант Улсын Ерөнхий сайд асан Таксин Чинаватаар ахлуулсан Малайзын АСЕАН-ныг даргалах зөвлөх багийн хамт уулзсан талаар дурджээ. Тэрбээр хэлэхдээ, тэд АСЕАН-ны асуудлаар өргөн хүрээний арвин туршлагатай, АСЕАН-ны хамгийн ахмад удирдагч болох Султан Хассанал Болкиахтай маш үр дүнтэй хэлэлцүүлэг өрнүүлсэн гэжээ. Мьянмарын нөхцөл байдлын тухайд, 5 зүйлт зөвшилцлийг дагаж мөрдөх шаардлагатай ч холбогдох бүх талуудтай хамтын ажиллагаагаа үргэлжлүүлэхийн тулд бүхий л хүчин чармайлтаа гаргах ёстой гэсэн байр суурьтай байсан гэв.

"Мөн хар тамхины худалдаа давамгайлсан хууль бус эдийн засаг, хүн худалдаалах, цахим залилан зэрэг асуудал нэмэгдэж буйд санаа зовниж байгаагаа илэрхийлсэн" гэдгийг тэрбээр онцолжээ. Тэрбээр мөн Мьянмарын хямралыг шийдвэрлэх эерэг гарц олох, энэ талаар АСЕАН-ны бүх Гадаад хэргийн сайд нарыг мэдээлэлтэй байлгах талаар ярилцсан гэжээ. "Лангкави хотноо энэ 1 дүгээр сард болсон АСЕАН-ны Гадаад хэргийн сайд нарын уулзалтын үеэр санал болгосон АСЕАН-АНУ-ын дээд хэмжээний уулзалтыг яаралтай зохион байгуулах нь зүйтэй гэсэн байр суурьтай байсан" гэдгийг тэрбээр тэмдэглэж хэлсэн ажээ.

Эх сурвалж: The Nation Thailand