MAZDA MOTORS КОРПОРАЦИ 5 ТЭРБУМ БААТЫН НЭМЭЛТ ХӨРӨНГӨ ОРУУЛАЛТ ХИЙНЭ

Япон Улсын Mazda Motors корпорацийн гүйцэтгэх захирал Моро Маширо Тайландын Хаант Улсын Ерөнхий сайд Петонтан Чинаваттай хийх уулзалтын үеэр хосолмол хөдөлгүүртэй жийп автомашин үйлдвэрлэлтэд зориулж нэмэлт 5 тэрбум баатын хөрөнгө оруулалт хийнэ гэж мэдэгдсэн байна. Уулзалтын үеэр Тайландын Хаант Улсын Ерөнхий сайд Петонтан Чинават тус улсыг цахилгаан автомашин үйлдвэрдлэлийн дэлхийн төв болгох, цэвэр эрчим хүчийг дэмжихийн төлөө тууштай байгааг дурджээ. Тайландын Засгийн газар цахилгаан автомашины импортын татварыг бууруулж, иргэдийг цахилгаан автомашинд шилжихийг уриалж, утаа ялгаруулалтыг бууруулж байгаа аж. Mazda Motors корпорац Тайландын Хаант Улсад 70 гаруй жил үйл ажиллагааг явуулж байгаа бөгөөд суудлын автомашины салбарт Toyota, Honda нарын дараа ордог гурав дахь том үйлдвэрлэгч юм.

Эх сурвалж: Thai PBS World