ТХУ-ЫН ЗАСГИЙН ГАЗАР ФИЛИППИН РҮҮ БУДААНЫ ЭКСПОРТОО НЭМЭГДҮҮЛНЭ

Филиппин Улс энэ онд өмнө нь таамаглаж байснаас илүү их будаа импортлох төлөвтэй байгаа тул ТХУ-ын Засгийн газар экспортоо нэмэгдүүлэхийг эрмэлзэж байна. АНУ-ын Хөдөө аж ахуйн яамны (USDA) Гадаадын хөдөө аж ахуйн албаны судалгаагаар Филиппин Улс энэ жил 4.1 сая тонн цагаан будаа импортлох төлөвтэй байгааг мэдээлсэн бөгөөд энэ нь орон нутгийн ферм бага ургац хураасантай холбоотой ажээ.

Тус агентлаг мөн энэ онд Филиппинд тээрэмдсэн будаа олборлох урьдчилсан таамаглалыг өмнөх 12.5 сая тонноос 12.3 сая тонн болгон бууруулж, Энэтхэгээс их хэмжээний ургац авахаас шалтгаалж дэлхийн цагаан будааны гарц 515.4 сая тонн болж өснө гэсэн хүлээлтийг бууруулжээ. Филиппин Улсын цагаан будааны 2023 оны импортын 82 хувийг Вьетнам Улс, үлдсэн хувийг ТХУ, Мьянмар, Пакистан, Энэтхэг зэрэг улсаас импортолсон байна.

"Холбогдох агентлагт ТХУ-ын цагаан будаа үйлдвэрлэгчдийн дэлхийн зах зээлд эзлэх хувийг эргүүлэн авахын тулд Филиппин Улсын импортлох сонирхолтой амилозын өндөр агууламжтай шинэ төрлийн цагаан будааны үйлдвэрлэлийг хурдасгахыг даалгасан" гэж Шадар сайд бөгөөд Худалдааны сайд Пунтам Вечаячая мэдэгдсэн юм.

Эх сурвалж: Bangkok Post