ГЭРЛЭЛТ БҮРТГЭЛ

Элчин сайдын яам нь Тайландын Хаант Улс, Малайз Улс, Бүгд Найрамдах Индонез Улс, Мьянмарын Холбооны Бүгд Найрамдах Улсад ажиллаж, амьдарч буй Монгол Улсын иргэд хоорондоо, эсхүл гадаад улсын иргэнтэй гэрлэх бол гэрлэлтийг бүртгэж, гэрлэлтийн гэрчилгээ олгоно. Гэрлэх хосууд гэрлэлтээ бүртгүүлэхдээ дараахь бичиг баримтыг бүрдүүлж, Элчин сайдын яаманд өөрсдийн биеэр гэрч болох хүний хамт ирж, бүртгүүлнэ. Үүнд:

• Гэрлэлтийн гэрчилгээ авах мэдүүлэг,
• ЭСЯ-д хандаж гаргасан өргөдөл (Гэрлэхийг хүсэгчийн аль нэг нь гадаад улсын иргэн бол Гэрлэхийг хүсэгчид нь гэрлэлтээ бүртгүүлэхийг хүссэн тухай хүсэлтээ тус тусдаа өөрийн улсын хэлээр, өөрөө дэлгэрэнгүй бичиж гадаад хэл дээрх өргөдлийг албан ёсны орчуулга хийлгэнэ. Өргөдөлд гэрлэхийг хүсэгчдийн овог, эцгийн нэр, нэр, аль улсын харьяат, оршин суугаа газрын хаяг, төрсөн он, сар, өдөр, дундаасаа хүүхэдтэй эсвэл дагавар хүүхэдтэй эсэх, тухайн орны хэлийг ямар хэмжээнд эзэмшсэн, тухайн иргэнтэй гэрлэхэд харшлах ямар нэг шалтгаан байхгүй талаар, гэрлэсний дараа аль улсад амьдрах зэргийг заавал дурьдсан байна.),
• Иргэний үнэмлэх, гадаад паспорт
• Гэрлэлт бүртгэлгүй тухай лавлагаа (Монгол Улсын иргэнтэй гэрлэх гадаад улсын иргэний хувьд тухайн улсын холбогдох эрх бүхий байгууллагаас энэ талаарх лавлагааг авсан байх шаардлагатай бөгөөд албан ёсны орчуулгыг хавсаргана)
• Эмнэлгийн байгууллагын дараахь 3 төрлийн тодорхойлолт, шинжилгээний хариу (Гадаад улсад шилжилгээ хийлгэсэн бол албан ёсны орчуулгын хамт)
  • Сэтгэц,
  • Сүрьеэ,
  • ДОХ (HIV),
• Гэрчийн өргөдөл /гэрлэхийг хүсэгчдийн гэр бүлээ бүртгүүлэхэд гэрчээр оролцохыг зөвшөөрсөн нэг хүний өргөдөл/ хавсаргана.
• Үйлчилгээний хураамж шилжүүлсэн баримт (Үйлчилгээний хураамжийг энд дарж харна уу)