БАНГКОК ХОТНОО БОЛОХ АЗИЙН ХАМТЫН АЖИЛЛАГААНЫ ЯРИА ХЭЛЭЛЦЭЭ (ACD)-НИЙ УУЛЗАЛТ ХОЙШЛОГДЖЭЭ

Энэ 08 дугаар сарын 26-ны өдөр Гадаад хэргийн яамнаас хийсэн мэдэгдэлд ирэх долоо хоногт Бангкок хотноо зохион байгуулагдахаар төлөвлөсөн Азийн хамтын ажиллагааны яриа хэлэлцээ (ACD)-ний 20 дугаар хурал болон холбогдох уулзалтууд хугацааг дахин товлох хүртэл хойшлогджээ. Энэхүү шийдвэр нь ирэх 09 дүгээр сарын 01-03-ны өдөр болохоор товлогдсон ACD-ийн Гадаад хэргийн сайд нарын уулзалт болон бусад дагалдах арга хэмжээнээс долоо хоногийн өмнө зарлагдсан бөгөөд уг товч мэдэгдэлд шалтгааны талаар дэлгэрэнгүй мэдээлэл өгөөгүй аж.

Үүнээс гадна, энэ 2025 оны 08 дугаар сарын 29-ны өдөр Үндсэн хуулийн цэц Камбожийн Сенатын дарга Хун Сентэй холбоотой маргаан дагуулсан аудио бичлэг задарсан хэрэгт Ерөнхий сайд Петонгтан Шинаватыг албан тушаалаас нь түдгэлзүүлэх эсэхийг шийдэх юм. Түүнийг Ерөнхий сайдын ёс зүйн хэм хэмжээг зөрчсөн гэж буруутгаж байгаа бөгөөд хэрвээ гэм буруутай нь тогтоогдвол тэрбээр Засгийн газрын гишүүдийнхээ хамт огцрох ажээ. ACD-ийн даргаар ажиллаж буй Тайландын Хаант Улс энэ жилийн сэдвийг “Инновацаар дамжуулан Ази тивийн тогтвортой өсөлт, ирээдүйг дэмжих нь” гэж тодорхойлсон бөгөөд тогтвортой хөгжил, санхүү, цахим шилжилт, аялал жуулчлал, боловсрол зэрэг үндсэн салбар дахь хамтын ажиллагааг бэхжүүлэхэд анхаарч ажиллаж байгаа аж.

Эх сурвалж: Thai PBS World