ТАЙЛАНДЫН ХААНТ УЛСЫН БАТЛАН ХАМГААЛАХЫН САЙД - ГАЛ ЗОГСООХ ТОХИРОЛЦОО КАМБОЖИЙН ТҮРЭМГИЙЛЭЛД ҮЗҮҮЛЭХ ХАРИУ ҮЙЛДЛИЙГ ЗОГСООХГҮЙ
Энэ 08 дугаар сарын 26-ны өдөр Батлан хамгаалахын сайдын үүрэг гүйцэтгэгч генерал Наттапон Наканич мэдэгдэхдээ, хэрвээ Камбожийн цэргүүд Тайландын газар нутаг руу гал нээх эсхүл нэвтэрвэл Тай цэргүүдэд хариу цохилт өгөх эрх олгогдсон гэжээ. Тэрбээр, “Хэрвээ манай улсын газар нутаг руу гал нээвэл нэн даруй хариу арга хэмжээ авахыг зөвшөөрсөн. Хэрвээ Камбожийн цэргүүд хил нэвтэрвэл Тайландын цэргүүд үүрэг, байлдааны дүрмийн дагуу гал нээх үүрэгтэй” хэмээн хэлжээ. Түүнчлэн, “Бидэнд гал зогсоох тохиролцоог хүндэтгэхийг даалгасан ч гэсэн энэ нь огт гал нээхгүй гэсэн үг биш” гэжээ.
Одоогоор Тайландын зэвсэгт хүчин бүрэн бэлэн байдалд байгаа бөгөөд генерал Наттапон хэлэхдээ “Преа Вихеар” дүүргийн орчимд Камбожийн цэргийн хөдөлгөөн нэмэгдсэн тухай мэдээлэл авснаа мэдэгджээ. Тэрбээр Тайландын Хаант Улс өөрийн тусгаар тогтносон нутаг дэвсгэр дээр гадаадын ямар ч цэргийн ажиллагаа явуулахыг зөвшөөрөхгүй гэдгийг онцолжээ. Үүний зэрэгцээ Дотоод хэргийн яам шаардлагатай тохиолдолд орон нутгийн иргэдийг нүүлгэн шилжүүлэх төвүүдийг бэлтгээд байгаа аж. Камбожийн Хаант Улс дипломат болон цэргийн ямар хариу арга хэмжээ авах бол гэсэн
сэтгүүлчдийн асуултад генерал Наттапон “урьдчилан хэлэх боломжгүй, гэхдээ Тайландын Хаант Улс бүх нөхцөл байдалд бүрэн бэлэн байгаа” гэжээ.
Эх сурвалж: Thai PBS World