ТАЙЛАНДЫН ХААНТ УЛСЫН ЭКСПОРТ ЭНЭ 2025 ОНЫ 07 ДУГААР САРД 11 ХУВИЙН ӨСӨЛТТЭЙ ГАРАВ

Тайландын Хаант Улсын Худалдааны яамны Худалдааны бодлого, стратегийн газрын дарга Пунпон Наяанапакон-ны мэдэгдсэнээр тус улсын экспорт энэ 2025 оны 07 дугаар сард өнгөрсөн жилийн мөн үетэй харьцуулахад 11 хувиар өссөн буюу 28.5 тэрбум ам.долларт хүрсэн байна. Тэрбээр экспортын өсөлт арван гурван сар дарааллан өсөлттэй гарч байгаа нь Америкийн Нэгдсэн Улсын татварын чөлөөлөлт энэ 08 дугаар сард дуусаж байгаатай холбогдуулан импортлогчид боломжит зардлын эрсдэлийг бууруулах зорилгоор захиалгаа нэмэгдүүлсэн, улмаар зах зээлийн эрэлт нэмэгдсэнтэй холбон тайлбарлав. Тайландын экспортын гол бараа, бүтээгдэхүүнд хөдөө, аж ахуйн бараа, бүтээгдэхүүн, хөлдөөсөн хүнс, хатаасан жимс, элсэн чихэр, лаазалсан ногоо болон компьютер, тоног төхөөрөмж, хуванцар бүтээгдэхүүн багтаж байна.  

Эх сурвалж: Bangkok Post