МЬЯНМАРЫН ХОЛБООНЫ БҮГД НАЙРАМДАХ УЛС ХИЛИЙН БООМТЫН ШАЛГАН НЭВТРҮҮЛЭХ АРГА ХЭМЖЭЭГЭЭ ЧАНГАТГАСАНТАЙ ХОЛБОГДУУЛАН ТАЙЛАНДЫН ХААНТ УЛСЫН ГАДААД ХУДАЛДААНЫ ГАЗАР МЬЯНМАРААС ТУС УЛСАД СУУГАА ЭЛЧИН САЙДЫГ ХҮЛЭЭН АВЧ УУЛЗАНА

Мьянмарын Холбооны Бүгд Найрамдах Улс энэ 2025 оны 08 дугаар сарын 18-ны өдрөөс эхлэн импортын зөвшөөрөлгүй аливаа бараа, бүтээгдэхүүнийг хилээр нэвтрүүлэхгүй байх шийдвэр гаргаж, улмаар хилийн боомтын шалган нэвтрүүлэх арга хэмжээгээ чангатгав. Мьянмарын энэхүү шийдвэрийн улмаас тайланд, мьянмарын хилийн Мае Сот – Мьяавадди боомт дээр тайландын 400 гаруй том оврын ачаа тээврийн автомашин хил нэвтэрч чадахгүй нөхцөл байдалтай байгааг тус улсын Гадаад худалдааны газрын дарга Арада Фуангтонг онцлон тэмдэглэв. Тэрбээр  тус улс мьянмартай хилийн боомтын хяналт шалгалтын арга хэмжээг бууруулах хүрээнд хоёр талын яриа хэлэлцээг эхлүүлэх бөгөөд хэрэв талууд харилцан тохиролцоонд хүрч чадахгүй бол тайланд ачаа тээврийн шинэ урсгал хайхаас өөр аргагүй, энэ нь тайландын бизнес эрхлэгчдэд хүнд цохилт болно гэж мэдэгдэв. Энэ 2025 оны хагас жилийн байдлаар хоёр улсын хил орчмын худалдаа 105,149 тэрбум тай баат буюу 3.2 тэрбум ам.доллар байсан нь өнгөрсөн оны мөн үеэс 25.91 хувиар буурсан үзүүлэлт аж.

Эх сурвалж: The Nation Thailand