ТАЙЛАНД, МАЛАЙЗЫН ТӨМӨР ЗАМ БАЙГУУЛЛАГА ХОЁР УЛСЫН “БАНГКОК – БАТТЕРВОРТ ЧИГЛЭЛИЙН ХАРИЛЦААГ СЭРГЭЭЖ, ХИЛ ДАМНАСАН ХАМТЫН АЖИЛЛАГААГ БЭХЖҮҮЛЭХЭЭР ХАРИЛЦАН ТОХИРОЛЦОВ

Тайландын Хаант Улсын Төрийн өмчит төмөр зам (SRT), Малайз Улсын Keretapi Tanah Melayu Berhad (KTMB) төрийн өмчит төмөр замын компани энэ 2025 оны 08 дугаар сарын 04-07-ны өдөр Бангкок хотноо 43 дахь удаагийн хамтарсан бага хурлаа зохион байгуулав. Бага хурлаар талууд хоёр улсын “Бангкок – Баттерворт” чиглэлийн төмөр замын зорчих хөдөлгөөнийг сэргээж, хил дамнасан хамтын ажиллагааг бэхжүүлэхээр харилцан тохиролцсоноос гадна тасалбарын системийг нэгтгэх, төмөр замын аялал жуулчлалыг хөгжүүлэх, үйл ажиллагааны нэг стандартыг мөрдүүлэх зэрэг асуудлыг хэлэлцэв. Энэхүү бага хурал нь хоёр улсын төмөр замын хамтын ажиллагааг бэхжүүлэх, Зүүн Өмнөд Азийн бүс нутгийн төмөр замын стратегийн үүрэг, оролцоог нэмэгдүүлэх ач холбогдолтой хурал аж.

Эх сурвалж: The Nation Thailand