ХӨЛ БӨМБӨГИЙН НӨХӨРСӨГ ТЭМЦЭЭНИЙГ АМЖИЛТТАЙ ЗОХИОН БАЙГУУЛАВ

Монгол Улс, Тайландын Хаант Улсын хооронд дипломат харилцаа тогтоосны 50 жилийн ойн хүрээнд тус Элчин сайдын яамнаас 2024 оны 12 дугаарсарын 13-ны өдөр Арабын Нэгдсэн Эмират Улсаас Тайландын Хаант Улсад суугаа Элчин сайдын яам болон Тайландын Аялал жуулчлалын Цагдаагийн газартай хамтран хөл бөмбөгийн нөхөрсөг тэмцээнийг амжилттай зохион байгуулав. 

Тус тэмцээнд Тайландын Аялал жуулчлалын Цагдаагийн газрын дарга нар болон казахстан, азербайжан, чех, итали, марокко, португал, франц, кени, оман, катар, лаос зэрэг улсын Элчин сайд дипломат албан хаагчид, мөн тайландын Эзэн хааны Цагдаагийн газар, Шилжилт хөдөлгөөний газар, Тусгай хэрэг мөрдөн байцаах газар зэрэг нийт 100 орчим төлөөлөл оролцов.