“ДЭЛХИЙН МИСС-2024” ТЭМЦЭЭНИЙ ГУРАВДУГААР БАЙРТ ШАЛГАРСАН ОПАЛ СУЧАТА ЧУАНГСРИ-Г ХАЛУУН ДОТНООР УГТАН АВАВ

Мексикийн Нэгдсэн Улсад зохион байгуулагдсан дэлхийн мисс шалгаруулах 73 дахь удаагийн тэмцээнд тайландын иргэн, 21 настай Опал Сучата Чуангсри амжилттай оролцож, тус тэмцээний гуравдугаар байрт шалгарав. Түүнийг эх орондоо ирэхэд нь түүний шүтэн бишрэгчид халуун дотноор угтан авч, баяр хүргэв. Тайландын Мисс Опал Сучата Чуангсри тайландын ард түмэн, Ерөнхий сайд Петонтан Чинават болон түүний Засгийн газарт талархал илэрхийлээд, хөхний хорт хавдрын эсрэг өөрийн санаачилсан “Opal for Her” кампанит ажлаа үргэлжлүүлэхээ мэдэгдэж, хөхний хавдрын талаар иргэдэд мэдлэг, мэдээлэл өгөх зорилго бүхий энэхүү кампанит ажлыг төр, хувийн хэвшлийн аж ахуйн нэгж, байгууллага идэвхтэй дэмжихийг уриалав. Опал Сучата Чуангсри нь 73 дахь удаагийн “Дэлхийн мисс-2024” тэмцээнд Ази тивээс шилдэг тавд шалгарч чадсан цорын ганц оролцогч аж.

Эх сурвалж: Nation Thailand